Wedding Flower ♡ 婚紗小天使

愛天使變身!!

上星期講左《美少女戰士》
今個星期就要講下同樣係以變身、消滅惡魔同愛情為題材嘅
《婚紗小天使》!!


同為係80後
相信好多人都睇過E套動漫
唔少女仔都會比愛天使嘅婚紗吸引而追看落去
當然筆者都係其中一個啦 (笑)


● 動漫介紹：



《婚紗小天使》，(愛天使伝説ウェディングピーチ)，如果照字面直譯應該係《愛天使傳說婚紗桃子》，原作者係富田祐弘同谷澤直。
本來係漫畫同動畫作品，因為流行，所以之後推出左51集電視版嘅動畫，1997年暑假期間係無綫電視首播。

之後係發行影碟時再外加2集映像特典，名為《第10526集：對不起洋介》及《最終回：愛天使戰隊最後之戰》。
(比較可惜嘅係，香港無播過E兩集 >____< )

之後又推出OVA，稱為《婚紗桃子DX》（ウェディングピーチDX），合共4集
1997年聖誕節期間係無綫電視播放，改名做《婚紗小天使之失憶戰記》。

● 人物介紹：(熟悉嘅人可以略過喔 *v*)



花咲桃子（花咲 ももこ）

出生日期：1983年3月3日

背景： 母親嘅真身係天使界女王阿法拉狄嘅妹妹莎莉世，所以桃子擁有天使血統。

戀愛經過：真愛係風摩洋介，係44集與洋介正式相戀。但係45集知道洋介嘅真身係惡魔戰士後，顯露左易喊嘅缺點。

持有聖物：紅寶石聖戒指

代表顏色：桃紅色

變身咒語：Wedding Beautiful Flower（白色婚紗）

二段變身咒語：愛天使變身，愛心Angel Peach（紅色戰裝）

決鬥台詞：……，今日愛天使婚紗桃子，誓要維護正義，斬妖除魔。

P.S. 1：「……」嘅部份通常係將惡魔所做嘅事複述，每集都唔同。

P.S. 2：係第45集並無將台詞講完，剩低「斬妖除魔」無講出泥而喊。

■ 招式：

► 電視動畫：

 ♥ 愛桃子音波
婚紗天使模式：桃子手持嘅花球先發出光芒，佢轉身一圈後花球就會變成音波器，並向四周散發愛心音波。

戰鬥天使模式：桃子高舉手，唸出咒語，音波器便會出現在佢手中，並向四周散發愛心音波。

E個係唯一係兩個模式都可以用嘅招式。

戰鬥天使模式：桃子把聖手鏡高舉然後對準目標，之後手鏡鏡背開始聚集愛心音波，聚滿後便會向目標發出心形激光，將目標淨化或消滅。

♥ Wedding 護送訂婚禮物，神聖晶石，Love for you

戰鬥天使模式：桃子手上嘅聖戒指發出紅色光芒，在光芒中浮出晶石棒，桃子接住並將它高舉；當敵人向桃子攻擊時，晶石底部便會把攻擊吸收，並轉化成愛心音波，之後桃子轉身一圈並唸出以上咒語，再把晶石對準目標，唸完後晶石便向目標射出白色光芒，將目標淨化或消滅。

♥ 唯一辦法即刻走 (只係於第49集用過1次)

婚紗天使模式：桃子把四周環境弄成白色強烈光芒，令到敵人睇唔到野，然後將目標救走。戰鬥天使模式：桃子把聖手鏡高舉然後對準目標，之後手鏡鏡背開始聚集愛心音波，聚滿後便會向目標發出心形激光，將目標淨化或消滅。

► OVA：(因為有片睇   所以無文字介紹)

♥ 神聖羽毛飛箭

♥ 天使超能電光 重力衝擊 (合體絕招)
♥ 聖手鏡，閃爍激光

谷間百合（谷間 ゆり）

出生日期：1982年7月7日

背景：前世係純天使莉莉，係天使界時曾被天使利文救過，之後係聯同莎莉世與惡魔戰士衞立加對戰期間掉落凡間轉生成人。

戀愛經過：第40集識破柳葉和也原來係利文，相認後再相戀。

持有聖物：神聖耳環

代表顏色：藍色 (係劇中藍色有幸福嘅意思)

變身咒語：Wedding Graceful Flower（淺藍色婚紗）

二段變身咒語：愛天使變身，清純Angel Lily（藍色戰裝）

決鬥台詞：被譽為清純脫俗之花Lily，今日我要傳播愛的宣言。

■  招式：

► 電視動畫：

 ♥ 聖唇膏，彩虹烈焰

戰鬥天使模式：莉莉用唇膏在空中畫出彩色絲帶，然後對準目標攻擊。

♥ 蔽月羞花少女羅帳，婚禮開始，神聖穿梭星塵

戰鬥天使模式：莉莉嘅耳環與唇膏扣組成三角椎水晶，之後水晶便會飛到空中並伸長，在水晶中現出魔法棒；之後莉莉接住，轉身唸出第一句咒語「蔽月羞花少女羅帳」並轉動魔法棒，轉動完成後魔法棒兩端開始聚集愛心音波，聚滿後，莉莉踎低，唸出「婚禮開始，神聖穿梭星塵」並再轉動魔法棒，魔法棒兩端便會劃出光圈，光圈外則向目標散發星星。

► OVA：

♥ 神聖皮鞭

珠野雛菊（珠野 ひなぎく）

出生日期：1982年5月5日

背景：前世係純天使德姬，係天使界聯同莎莉世與惡魔戰士衞立加對戰期間掉落凡間轉生成人。

戀愛經過：後期認拓郎為真愛

持有聖物：神聖頸鏈

代表顏色：黃色

變身咒語：Wedding Attractive Flower（黃色婚紗）

二段變身咒語：愛天使變身，迷人Angel Daisy（黃色戰裝）

決鬥台詞：Daisy是象徵迷人活潑的少女心，我要掃除世間上所有邪惡之風。

■ 招式：

► 電視動畫：

♥ 聖手錶，花吹雪

戰鬥天使模式：雛菊打開聖手錶的蓋板，然後手錶開始聚集能量，之後雛菊將雙手組成十字，手錶便會發出雪球狀的音波，直接攻擊目標。♥ 愛的紀念洋蠋，神聖龍捲風之夢

戰鬥天使模式：雛菊的手錶與頸鏈相通發光，光芒中形成一把風扇，雛菊接住後，轉身唸出第一句咒語「愛的紀念洋蠋」，轉身一圈後再將風扇對準目標，雛菊唸出「神聖龍捲風之夢」之後，風扇開始轉動，並散發出龍捲風，直接攻擊目標。

► OVA：♥ 神聖彎刀
小原紅花（スカーレット 小原）

出生日期：11月3日

背景：係桃子、百合、雛菊面前突然神秘出現嘅獨行獨斷少女，自稱「宇宙嘅戰士」，後來先同三人一齊作戰。

持有聖物：神聖頭箍

代表顏色：紫色

變身咒語：Wedding Excellent Flower（淺紫色婚紗）

二段變身咒語：愛天使變身，勇敢Angel Salvia（紫色戰裝）

決鬥台詞：熱熾的心代表紅花宣言，你們這班可惡的惡魔，今日我要替天行道。

■ 招式：

 ► 電視動畫：

 ♥ 熱情激光斬
用佢手持嘅「神聖愛之劍」直接刺向目標，攻擊時劍會變大，劍刃上帶有火焰。

► OVA：

♥ 神聖雙劍


所有愛天使OVA招式：

＊═─═─═─＊我係可愛分隔線＊═─═─═─＊


同美少女戰士一樣
婚紗小天使都係有華麗嘅變身過程
而且仲唔只一次添!!
滿足左女仔鐘意睇靚衫嘅天性 (笑)
唔可以唔提嘅係
OVA嘅戰鬥服同電視版係有唔同嫁 *3*
(雖然得好少)

電視版：

OVA： 

＊═─═─═─＊請叫我分隔線＊═─═─═─＊


講到主題曲
其實筆者覺得唔係咁好聽 =3=

唔知大家有冇同感呢? =]