玩具篇——搖搖

今日pre廣告既同學，佢地設計嘅產品包裝有啲似搖搖，咁就講下搖搖啦。

關於搖搖起源，有好多種講法，而根據美國搖搖協會嘅睇法，就認為最早嘅搖搖應該係來自中國，仲早喺2500年前已經出現，係僅次洋娃娃之外，第二古老嘅玩具。
資料來源：http://www.hkyyfc.org.hk/index2.html

香港玩搖搖嘅熱潮，係由可口可樂公司喺60年代帶起，一直去到80年代，期間出左好幾款不同嘅搖搖，某啲較特別嘅款仲要飲可樂參加抽獎先有機會換到。而我地依一代接觸搖搖，就好主要係因為睇左《超速搖搖》，以及喺coco連載嘅同名漫畫而開始玩。

       









         初接觸搖搖嘅時侯，知道搖搖嘅軸心有分木心、鐵心、尼龍軸承、走珠軸承依幾類，前兩者係for初學者，後兩者係for進階啲嘅玩家。後來玩落至知道，原來最主要原因係在於保養問題，因為木心同鐵心只要定期更換條繩就ok，而後兩者的軸心並唔係固定，係靠軸承和軸心嘅分離而轉動，所以一定要定期加潤滑油以保持性能。

 

 有玩過嘅都知道，搖搖同四驅車、爆旋陀螺個啲唔同，唔係話買個靚啲貴啲嘅摩打、配件就大哂。佢係一樣相當講究技巧嘅玩意，要用返咁上下時間苦練招式，而且有一定危險性，有啲招式係非常容易比搖搖扑中頭，又或者打爛屋企嘅野，喺苦練嘅過程中，仲會被條繩勒到隻手好痛。

 睇返個招式表，你仲記唔記得自己練過幾多招呢

http://www.yukz.com/vol/treasure/live/interest/101-yiuyiu.html

其實世界各地仍然不斷舉辦緊大大小小的搖搖比賽，早前就有個只得15歲嘅香港人，擊敗57位世界級高手，為港爭光。