80後懷舊細介——Game Boy

        依家嘅人出街打機會玩psp、nds，又或者多數玩返自己部smart phone，但我地細個又玩咩？之唔係成舊「大牛龜」咁嘅Game Boy 囉。

        Game Boy係日本任天堂公司喺1989年開始發售嘅電池驅動攜帶式遊戲機。初期嘅Game Boy又厚又重，外型設計上用咗黑、綠色嘅液晶顯示屏，左邊係一個十字方向按鈕，右邊係兩粒圓形嘅A、B掣，而下面就有兩個Select、Start掣。









        雖然Game Boy係多年前嘅產物，但除咗打機之外，仲可以配合唔同配件而有不同功能，例如相機鏡頭、Game Boy專用嘅printer、雙打線、屏幕放大器等等。而且，隨著年代嘅轉變，任天堂喺Game Boy嘅基礎上，不斷改進。例如：Game Boy Pocket(輕巧版嘅Game Boy) 、Game Boy Light(背光式液晶屏幕嘅Game Boy Pocket)、 Game Boy Color (彩色屏幕嘅Game Boy)、 Game Boy Advance (被動反射式液晶屏幕嘅Game Boy)  Game Boy Advance SP (摺疊式嘅Game Boy Advance) 等等。

         Game Boy嘅遊戲係放喺一種叫rom嘅卡帶入面，只要將佢垂直插入遊戲機嘅背面再開機就可以直接玩到。啲帶玩玩下就會間唔中出現開唔到嘅情況，依個時候只要拎出黎吹一吹個底部就可以解決，據講係因為帶入面有塵，所以吹走入面嘅塵就會無事。依個方法雖然一直未經證實，但係又次次都work。

        我以前就鍾意玩嘅game係super mario同寵物小精靈(特別係黃版)，前者好遺憾嘅係當時年紀太細，打極都打唔爆機，次次去到第十關度就game over，後者我諗大部份我依個年紀嘅人都沉迷過，而且可能你都同我一樣俾唔知邊個呃咗，以為爆機之後就可以上太空捉夢夢。

       

















        童年總是美好而且令人懷念，放咗學做完功課，睇下卡通打下 Game Boy又一日。俱往矣。

資料來源：http://zh.wikipedia.org/wiki/Game_Boy

圖片取自網上